«Барселона» ҳужумчиси Лионель Месси мавсум охирига қадар ўйновчи мураббий бўлишга қарор қилди.

Diario Gol хабарига кўра, футболчи Испания чемпионати олтин медалларини қўлга киритиш режасини ишлаб чиққан.

Айни пайтда аргентиналик футболчи жамоадошлари ва раҳбарият томонидан тўлиқ қўллаб-қувватланмоқда. У жамоани Испания чемпиони бўлиш имкониятини юқори баҳолаб, 23 апрель куни «Реал»га қарши ўтказиладиган ўйин чемпионлик тақдирини ҳал қилади деб ҳисобламоқда.

Бундан ташқари, Месси жамоанинг ўйин услуби борасида ўз шахсий фикрига эга. Хусусан у Луис Энрике томонидан таркибни тез-тез ўзгартириб туриш сиёсатига қарши чиққан. Мессининг таъкидлашича, Неймарнинг майдонга тушмаслиги жамоа ўйинининг сифатини кескин пасайтирмоқда, Андре Гомеш ва Денис Суарес эса Иньеста билан Ракитичнинг ўрнини босолмаяпти.

Эслатиб ўтамиз, жамоа бош мураббийи Луис Энрике ёзда жамоани тарк этиши ҳақида эълон қилган.