Ўзбекистон футбол Федерацияси ҳамда Осиё футбол конфедерацияси ҳамкорлигида Самарқанд футбол федерациясида футбол мураббийлари учун ОФКнинг “С” лицензияси бўйича ўқув-курслари ташкил этилди.
15 март куни бошланган ўқув курслар 28 мартга қадар давом этади. Самарқанддаги курсларни ОФК инструктори Усмон Тошев олиб боради. Улуғбек Султонов координаторлик вазифасини бажаради.
Маълумот учун, “С” лицензиясини қўлга киритган мураббийлар кейинчалик “B” ва “A” лиценциялари учун ўқишни давом эттириш ҳуқуқига эга бўлади.
