Машҳур футбол агенти Дмитрий Селюк Бельгия терма жамоаси мураббийлар штабида франциялик ва испаниялик мутахассиснинг иш олиб боришига изоҳ берди.

«Агар футболимиз билан солиштирадиган бўлсак, шуни айтишим мумкинки, рус миллатидан бошқаларни ҳам ҳурмат қилиш ва уларга имконият бериш керак.

Масалан, ЦСКА ёшларининг мураббийи Александр Гришин Чемпионлар лигасида «Бенфика»га (0:2) ютқазгач, португалияликлар иқтидорларни бутун дунё бўйлаб излаши, биз эса Москванинг бир туманидан излашимиз ҳақида гапирганди.

Ёки «Зенит»ни олайлик: у футболчи қоратанли, буниси оқтанли, анави ўйнаши мумкин, манави мумкинмас. Агар шу ишлар бўлмаганида, аллақачон катта мусобақаларда зафар қучган бўлишарди. Ҳозир эса «Андерлехт»га ютқазиб юришибди» - деди Селюк.