Mashhur futbol agenti Dmitriy Selyuk Belgiya terma jamoasi murabbiylar shtabida fransiyalik va ispaniyalik mutaxassisning ish olib borishiga izoh berdi.
«Agar futbolimiz bilan solishtiradigan bo‘lsak, shuni aytishim mumkinki, rus millatidan boshqalarni ham hurmat qilish va ularga imkoniyat berish kerak.
Masalan, SSKA yoshlarining murabbiyi Aleksandr Grishin Chempionlar ligasida «Benfika»ga (0:2) yutqazgach, portugaliyaliklar iqtidorlarni butun dunyo bo‘ylab izlashi, biz esa Moskvaning bir tumanidan izlashimiz haqida gapirgandi.
Yoki «Zenit»ni olaylik: u futbolchi qoratanli, bunisi oqtanli, anavi o‘ynashi mumkin, manavi mumkinmas. Agar shu ishlar bo‘lmaganida, allaqachon katta musobaqalarda zafar quchgan bo‘lishardi. Hozir esa «Anderlext»ga yutqazib yurishibdi» - dedi Selyuk.
