Бразилия терма жамоаси яримҳимоячиси Каземиро ЖЧ-2018 саралашидан ўрин олган Уругвайга қарши ўйиндан олдин ўз фикрларини айтди.
Маълумки, 24 март куни ўтказиладиган ўйинда Луис Суарес дисквалификация туфайли майдонга тушмайди.
«Албатта Суарессиз Уругвайга қарши ўйнаш осонроқ. Буни инкор қилишдан маъно йўқ.
Бироқ, бошқа футболчиларни ҳам кўздан қочирмаслигимиз ва диққат-эътиборни сусайтирмаслигимиз лозим.
Уругвай – жуда кучли жамоа, бизга осон бўлмайди» - деди Каземиро.
Айни пайтда Бразилия КОНМЕБОЛ ҳудудида ЖЧ-2018 саралаш гуруҳини бошқариб бормоқда.
