Россиянинг Championat сайти мамлакат футболи тарихидаги энг яхши 100 легионер рейтингини тузиб чиқди.
Унга кўра, ЦСКА клубининг бразилиялик ҳужумчиси Вагнер Лав Россия футболи тарихидаги энг яхши легионер деб топилди. Иккинчи ўринни «Зенит»нинг бразилиялик ҳужумчиси Халк, учинчи ўринни унинг жамоадоши, португалиялик Данни эгаллади.
Ўзбекистон терма жамоасининг собиқ сардори Миржалол Қосимов эса бу рўйхатга киритилмади. Футболчи турли йилларда Владикавказнинг «Алания», Самаранинг «Крилья Советов» клубларида ўйнаган ва 1995 йилда владикавказликлар билан Россия чемпиони бўлган эди.
