Ўзбекистон терма жамоаси делегацияси Сурияга қарши ўйинда иштирок этиш бугун Куала Лумпурдан Мелаккага кўчиб ўтди. Бу ҳақда ЎФФ матбуот хизмати хабар тарқатди.

Бугун ўйинолди расмий тадбирлари режалаштирилган. Дастлаб ҳар иккала жамоа менежерлари иштирокида митинг бўлиб ўтди ва унда терма жамоалар қандай рангли формада ўйнашига ойдинлик киритилди.

Ўзбекистон терма жамоаси анъанага кўра, эртага кўк рангли футболкаларда майдонга тушадиган бўлди. Сурия эса оч ва тўқ қизил йўл-йўл формада ҳаракат қилади.