O‘zbekiston terma jamoasi delegasiyasi Suriyaga qarshi o‘yinda ishtirok etish bugun Kuala Lumpurdan Melakkaga ko‘chib o‘tdi. Bu haqda O‘FF matbuot xizmati xabar tarqatdi.
Bugun o‘yinoldi rasmiy tadbirlari rejalashtirilgan. Dastlab har ikkala jamoa menejerlari ishtirokida miting bo‘lib o‘tdi va unda terma jamoalar qanday rangli formada o‘ynashiga oydinlik kiritildi.
O‘zbekiston terma jamoasi an’anaga ko‘ra, ertaga ko‘k rangli futbolkalarda maydonga tushadigan bo‘ldi. Suriya esa och va to‘q qizil yo‘l-yo‘l formada harakat qiladi.
