Ўзбекистонлик гимнастикачи, 7 карра Олимпия ўйинлари иштирокчиси Оксана Чусовитина Қатар пойтахти Доҳа шаҳрида ўтказилаётган Жаҳон кубогининг навбатдаги босқичида муваффақиятли иштирок этди.
Шу йилнинг 19 июнь куни 42 ёшни қаршилайдиган афсонавий спортчи таяниб сакраш баҳсларида 14,116 балл билан олтин медалга сазовор бўлди. Австралиялик Эмили Литтл (14,099) кумуш, словакиялик Тея Белак (14,083) бронза медалига эга чиқди.
Қайд этиш жоиз, Оксана Чусовитина 2017 йил ҳисобидан АҚШнинг Хюстон шаҳридабўлиб ўтган халқаро турнирда 2 та олтин ва 2 та бронза медали, Канададаги мусобақада эса кумуш медалига эга чиққан эди.
Бир неча кун аввал эса ўзбекистонлик гимнастикачи Боку шаҳрида ўтказилган Жаҳон кубогида ҳам олтин медалга эга чиққанди.
