Англия терма жамоаси бош мураббийи Гарет Саутгейт «Манчестер Юнайтед» ҳужумчиси Уэйн Руни ҳақида гапирди.
31 ёшли футболчи жароҳати туфайли терма жамоага чақирилмаганди.
«Мен уни ҳисобдан чиқармоқчимасман. Хайрлашув ўйини ҳақидаги гаплардан ҳайронман. Руни терма жамоа асосий таркибидан жой олиши мумкин. Унинг фаолияти тугаб бораётгани ҳақида гапиришга асос йўқ.
Бизда 9 футболчи жароҳати туфайли таркибдан тушиб қолди, улар орасида Кейн, Роуз ва Руни ҳам бор. Аммо бу муаммо эмас. Агар вазият бошқача бўлса, уларни албатта чақирган бўлардим» - деди Саутгейт.
