«Тоттенҳэм» яримҳимоячиси Эрик Ламела «Интер» клубига ўтиши мумкин.
25 ёшли футболчи айни пайтда октябрь ойида белидан олган жароҳатни даволаш билан машғул. Бундан ташқари, футболчи руҳий томондан муаммога эга ва жорий мавсумда майдонга тушмаслиги ҳақида жамоадошларига эълон қилган. Яқинда унинг акаси автоҳалокатда нобуд бўлган эди.
«Интер» воқеалар ривожини кузатиб бормоқда ва Ламела билан шартнома имзолаши мумкин. Унинг трансфери Федерико Бернардески («Фиорентина») ва Доменико Берардининг («Сассуоло») нархидан арзонроқ бўлиши мумкин. Ҳар иккала футболчининг клублари «Интер»дан 40 млн евро сўрамоқда.
