Ўзбекистонлик теннисчи Сабина Шарипова Францияда бошланган соврин жамғармаси 60 минг АҚШ доллари бўлган "Croissy-Beaubourg - 2017" халқаро турнирини ғалаба билан бошлади.
ITF йўналишидаги яккалик баҳсларининг биринчи даврасида Сабина Шарипова сербиялик истеъдодли теннисчи Ивана Ёрович билан рақобатлашди. 2 соату 36 дақиқа давом этган учрашувнинг дастлабки сети 6:2 ҳисобида европалик ракетка устаси фойдасига ҳал бўлди. Қолган икки партия кескин ва муросасиз курашлар остида ўтди. Ўз маҳоратини намойиш қилган Сабина Шарипова рақибининг жиддий қаршилигини енгишга муваффақ бўлди. Ҳал қилувчи икки сетни 7:5, 7:6 ҳисобида ўз фойдасига ҳал қилган ўзбекистонлик теннисчи иккинчи даврага йўл олди.
