Аргентина футболи афсонаси Диего Марадона терма жамоа ҳужумчиси Лионель Мессининг ФИФА томонидан 4 ўйинга дисквалификация қилингани борасида фикр билдирди.

"Мессининг жазоси ортиқча. Америка футболида қўл билан гаплашадилар. Месси билан лайнсмен ўртасида нима бўлгани қайд қилинган.

Мессининг йўқлиги Боливия билан ўйинда (0:2) ҳал қилувчи ролни ўйнади. Бу Роналдусиз қолган Португалия кабидир.

Лионелнинг дисквалификациясига менинг аралашганим ҳақидаги гаплар мени хафа қилди. Худо кўриб турибди, мен ҳеч нарсани билмагандим. Мен суриштирув бошладим. Ҳаммаси КОНМЕБОЛдан бошланган.

ФИФА президенти билан бу борада гаплашиб кўраман, чунки бу даҳшат.

Мен Мессига кўп қўнғироқ қилдим, аммо жавоб олмадим. Лео ажойиб йигит, у ҳеч нарсадан шикоят қилмайди ва машқ қилишда давом этаверади", - дейди Марадона.