“Насаф” жамоасининг сербиялик легионер ҳужумчиси Драган Черан сермаҳсул ўйин намойиш қилмоқда.

У ўтган уч учрашувда тўрт марта дарвозаларни ишғол қилди. Бу билан у нафақат “Насаф” жамоасининг тўпурари, балки чемпионат тўпурарига ҳам айланди.

Айниқса у 30 март куни ўтказилган “Сўғдиёна” жамоасига қарши учрашувда, жуда чиройли тарзда жарима тўпини голга айлантирди ва учрашувда ўзининг илк дублини қайд этди.  Бунда биз унинг жарима тўпларини амалга оширишда ҳам катта маҳорат соҳиби эканлигини кўрдик.

“Насаф”нинг яна бир ҳужумчиси Шахбоз Эркинов кубок баҳсларининг тўпурари бўлиб турибди. У “Локомотив-БФК”га қарши учрашувда тўрт марта гол урганини эслатиб қўймоқчимиз.

Яна шуни эслатиб ўтишимиз жоизки, Драган Черан ўтган йилги мавсумнинг иккинчи ярмидан жамоамиз сафида ҳаракат қилиб, рақибалр дарвозасини 12 марта ишғол қилган эди.

Яна бир факт, “Насаф”нинг моҳир ярим ҳимоячиси Баҳром Абдураҳимов, жамоамизнинг бу йилги чемпионатдаги илк голини киритган ўйинчи саналади.