"Манчестер Сити" ҳимоячиси Бакари Санья "Арсенал" бош мураббийи Арсен Венгерни қўллаб-қувватловчи сўзларни айтди.
Санья 2007 дан 2014 йилгача Венгер қўл остида шуғулланган.
"Венгер - мен учун Фергюсон савиясидаги топ-мураббий. Унинг қандай курашаётганини кўриб турибман, "Арсенал" унинг учун ҳаёт. У бу клубни севади. Мен унинг қўл остида ўйнаганман, у клубдан ўтган ҳар дақиқасида жон куйдиради. Венгер бу - "Арсенал" деб ҳисоблайман. У бу клубни ясаган.
"Арсенал" мухлисларини тушунаман, аммо улар Венгерга ишонишлари керак. Унинг нималарга эришганини кўринг. Улар буни эсдан чиқармасликлари керак. Мен унинг "Арсенал"да қолишини истайман. Усиз "Арсенал"ни тасаввур қила олмайман. Унда қийин даврлар бошланди, бу ҳаммада бўлиб туради", - дейди Санья.
