"Чикаго Файр"нинг янги ўйинчиси Бастиан Швайнштайгер америка клубидаги дебют ўйинида гол уришга муваффақ бўлди.
Немис футболчиси MLS чемпионатининг "Монреаль Импэкт"га қарши учрашувнинг 17-дақиқасида ҳисобни очди.
Учрашув 2:2 ҳисобида дуранг билан тугади. Ушбу дурангдан сўнг "Чикаго" MLS нинг шарқий конференциясида 5 очко билан 7-ўринда бормоқда.
Швайнштайгер март ойида "Манчестер Юнайтед"дан "Чикаго Файр"га ўтган эди. Унинг йиллик маоши 4,5 млн доллар экани айтилмоқда.