"Реал" ҳимоячиси Начо Фернандес Испания чемпионатининг 29-турида "Алавес"га қарши учрашувда (3:0) гол урди.
Начо "Реал"нинг бу мавсумда гол уришга эришган 19-футболчиси бўлди. Майдонда ҳаракат қиладиган ўйинчилардан гол урмаган фақатгина Даниэль Карвахаль ва Фабиу Коентрау қолди холос.
"Реал" бу билан Испания чемпионати рекордини такрорлади. Мавсум-1994/95 да "Валенсия"нинг 19 футболчиси гол уришга эришган эдилар. Бир йилдан сўнг "Реал" бу рекордни такрорлаган эди.
Жамоа голларининг 25% ҳужумчиси Криштиану Роналдуга тегишли, яна 8 ўйинчи камида иккитадан гол уришган.
Бу мавсумда "Сельта"да 16 турли футболчилар гол урган бўлсалар, "Барселона"да бу кўрсаткич - 14та. Каталонияликлар ҳужумчилари Лионель Месси ва Луис Суарес жамоанинг 58 % голини урганлар.
