Алехандро Хосе Эрнандес Испания чемпионатининг 33-туридан ўрин олган «Реал» – «Барселона» ўйинини бошқарадиган бўлди.

Ҳакам жорий мавсумда «Бетис» – «Барселона» (1:1) ўйинини бошқариб, Луис Суарес томонидан урилган голни инобатга олмади. У тўпни дарвоза чизиғини кесиб ўтганини кўрмай қолганди.

Ўтган мавсумда у «Барселона» – «Реал» (1:2) ўйинида ишлаган ва Гарет Бэйлнинг голини инобатга олмаган. Эрнандес уни ҳаводаги тўп учун курашда ўйин қоидасини бузган деб ҳисоблаганди.

Эслатиб ўтамиз, «Реал» – «Барселона» ўйини 23 апрель куни ўтказилади.