Испаниянинг Diario Gol нашри «Манчестер Сити» клубининг Андрес Иньеста хизматига қизиқиши ҳақида ёзмоқда.
«Барселона»нинг 32 ёшли футболчиси яна Пеп Гвардиола билан бирга ишлаш имкониятига эга бўлиш учун жамоани тарк этиши мумкин. Ҳар иккаласи ҳам 2008-2012 йилларда «Барселона»да бирга фаолият олиб борган ва уч марта Испания чемпиони бўлиб, бир марта Чемпионлар лигасида ғолиб чиққан эди.
Иньестанинг «Барселона» билан имзолаган шартномаси 2018 йилгача амал қилади. Футболчи ҳали уни узайтирмаган.
Инглиз клуби Иньестага 2 йиллик шартнома ва унинг муддати якунлангач, МЛС вакили "Нью-Йорк Сити" клуби таркибига бориб қўшилиш имкониятини таклиф қилмоқда.
