Интернетда Роналдуни «Трамп минораси»даги квартирадан воз кечишни талаб қилувчи петиция пайдо бўлди.
Унинг муаллифи португалиялик футболчини «фашистларча» сиёсат юритаётган АҚШ президентининг бизнеси билан боғлиқ ҳар қандай нарсадан воз кечишга чақирмоқда.
Маълум қилинишича, футболчи Нью-Йорк шаҳрида жойлашган ва «Трамп минораси» деб номланган кўп қаватли бинода нархи 18,5 млн долларга тенг квартирага эга. Бундан ташқари у яқин орада нархи 23 млн долларга тенг яна бир шундай квартирани сотиб олишни режалаштирмоқда.
Петиция 5 апрель куни яратилган бўлиб, айни пайтда 11 мингдан ортиқ имзо тўплаган.
