Internetda Ronalduni «Tramp minorasi»dagi kvartiradan voz kechishni talab qiluvchi petisiya paydo bo‘ldi.
Uning muallifi portugaliyalik futbolchini «fashistlarcha» siyosat yuritayotgan AQSH prezidentining biznesi bilan bog‘liq har qanday narsadan voz kechishga chaqirmoqda.
Ma’lum qilinishicha, futbolchi Nyu-York shahrida joylashgan va «Tramp minorasi» deb nomlangan ko‘p qavatli binoda narxi 18,5 mln dollarga teng kvartiraga ega. Bundan tashqari u yaqin orada narxi 23 mln dollarga teng yana bir shunday kvartirani sotib olishni rejalashtirmoqda.
Petisiya 5 aprel kuni yaratilgan bo‘lib, ayni paytda 11 mingdan ortiq imzo to‘plagan.
