Испания чемпионатининг 30-тури доирасида "Барселона" ўз майдонида "Севилья"ни қабул қилди. Хорхе Сампаоли шогирдлари "кўк-анорранглилар"га жиддий қаршилик кўрсатиши кутилганди, аммо андалусияликларнинг қаршилиги бор-йўғи 25 дақиқа давом этди холос.

Дастлаб Луис Суарес чалқанча услубда зарба бериб, ҳисобни очди. Орадан кўп ўтмасдан Лионель Месси рақиб дарвозасини икки марта ишғол қилди. Аргентиналик футболчи ўзининг биринчи голини қарши ҳужум пайтида, иккинчисини бурчак тўпи ўйинга киритилганидан кейин урди.

Иккинчи бўлимда "Барселона" кучни тежаган ҳолда ўйнади. Натижада меҳмонлар бир нечта вазиятларга эга бўлишди. Бироқ Сарабиянинг зарбаларини Тер Штеген қайтаришга муваффақ бўлди ва ўз дарвозаси дахлсизлигини сақлаб қолди.

Ушбу ғалаба туфайли "Барса" ўз очколарини 69тага етказиб, вақтинчалик бўлса-да, жадвалда 1-ўринга кўтарилиб олди.

Испания Ла лигаси, 30-тур
"БАРСЕЛОНА" - "СЕВИЛЬЯ" 3:0 (3:0)
5 апрель, 22.30, «Камп Ноу»
Голлар: 1:0 – 25 Суарес, 2:0 – 28 Месси, 3:0 – 33 Месси.
Барселона – тер Стеген, Месси, Пике (Динь, 77), Умтити, Иньеста, Маскерано, Бускетс, Ракитич (Аленья, 80), Серджи Роберто, Неймар, Суарес (Пако Алькасер, 65).
Севилья – Рико, Пареха, Лангле, Эскудеро, Меркадо (Краневиттер, 46), Корреа, Насри (Сарабия, 46), Нзонзи, Иборра (Йоветич, 76), Витоло, Мариано.
Огоҳлантиришлар: Пике (15), Иборра (38), Витоло (57), Бускетс (71), Ракитич (78), Аленья (84).
Четлатиш: Витоло (90+1).