«Лестер» ҳужумчиси Аҳмад Муса оғир вазиятга тушиб қолди, деб ёзмоқда Daily Star нашри.
АПЛнинг навбатдаги туридан ўрин олган «Лестер» – «Сандерленд» (2:0) ўйинидан сўнг Муса ўз уйида полиция томонидан қўлга олинган.
Футболчи хотинига нисбатан зўравонлик қилаётгани ҳақида полицияга хабар келиб тушган. Аммо қўшнилар билан гаплашган ҳуқуқ-тартибот ходимлари нигериялик футболчи ҳақида фақат яхши гапларни эшитган.
Шунга қарамай, Муса кўрсатма бериш учун маҳкамага олиб борилган. Бироқ унинг айби аниқланмагач, ўша заҳоти қўйиб юборилган.
