Иско ўзининг инстаграмдаги саҳифасига қўйган сурати мухлисларнинг норозилигига сабаб бўлди.
«Реал» ярим ҳимоячиси овқатланиб ўтирган вазиятдаги суратида столда "Барселона" брендига тегишли бўлган чипс (қовурилган картошка) ҳам кўриниб қолган.
Футболчи ўз мухлисларининг норозилигидан кейин столдан чипсни олиб ташлаган ҳолда бошқа сурат олди ва уни инстаграмга жойлади.
«Мен "Барселона"га ўтмоқчи эмасман! Расм шуни англатадики, биз уларни худди чипс каби еб қўймоқчимиз! Дарвоқе, мен чипсни ҳаттоки еб ҳам кўрмадим. Шунчаки, дўстларим менга муаммо яратишни исташди», – дея ёзди Иско ўзининг твиттери орқали.
Аввалроқ «Барселона» клуби Искони қўлга киритиш учун ҳаракат қилаётгани ҳақида хабарлар тарқатилганди.
