Isko o‘zining instagramdagi sahifasiga qo‘ygan surati muxlislarning noroziligiga sabab bo‘ldi.
«Real» yarim himoyachisi ovqatlanib o‘tirgan vaziyatdagi suratida stolda "Barselona" brendiga tegishli bo‘lgan chips (qovurilgan kartoshka) ham ko‘rinib qolgan.
Futbolchi o‘z muxlislarining noroziligidan keyin stoldan chipsni olib tashlagan holda boshqa surat oldi va uni instagramga joyladi.
«Men "Barselona"ga o‘tmoqchi emasman! Rasm shuni anglatadiki, biz ularni xuddi chips kabi yeb qo‘ymoqchimiz! Darvoqe, men chipsni hattoki yeb ham ko‘rmadim. Shunchaki, do‘stlarim menga muammo yaratishni istashdi», – deya yozdi Isko o‘zining tvitteri orqali.
Avvalroq «Barselona» klubi Iskoni qo‘lga kiritish uchun harakat qilayotgani haqida xabarlar tarqatilgandi.
