«Атлетико» яримҳимоячиси Коке «Реал»га қарши ўйин арафасида қуролли ҳужум жабрдийдасига айланди.
Испаниялик футболчи автомобилларнинг тўхташ жойидаги тўсиқ олдига келиб, чипта олиш мақсадида автоулов ойнасини туширди. Шу заҳотиёқ унинг ёнига мотоцикл минган шахс келиб, қурол ўқталди ва барча қимматбаҳо нарсаларини беришни талаб қилди. 25 ёшли футболчи унга нархи 70 минг евро турадиган соатини беришга мажбур бўлди. Шундан сўнг жиноятчи воқеа жойини тарк этди.
Коке бу ҳақда полицияга хабар берган. Айни пайтда жиноятчи қидирилмоқда, деб хабар беради El Mundo.
Эслатиб ўтамиз, 8 апрель куни "Атлетико" Примеранинг 31-турида "Реал"га қарши ўйнайди.
