"Реал" сардори Серхио Рамос Испания чемпионатида "Атлетико" билан учрашувдан сўнг (1:1) интервью берди.
"Гризманнинг трансфери? Кўрамиз. Бундай трансферлар ҳар доим катта воқеа бўлган. У бир неча йилдан буён юқори савияда ўйнаб келаётган буюк футболчи. Бундай ўйинчилар учун "Реал" эшиги ҳар доим очиқ.
Мен мураббийнинг келажагини муҳокама қиладиган одам эмасман. Мавсум натижаларига кўра эришилган совринлар ҳаммасини ҳал қилади.
"Барселона" билан учрашув финал каби бўлади, чемпионатда ғолиб чиқишимиз учун қолган учрашувларни ҳам худди шундай ўтказишимиз керак. Ҳар бир ўйинда уч очко олишимиз керак.
"Атлетико"нинг бугунги ўйиндаги энг яхши ўйинчилари ҳимоячилар ва дарвозабон бўлди. Бу кўп нарсани англатиб турибди.
Олдинга интилишимиз керак, афсусланиш учун вақт йўқ. Олдимизда яна бир финал - "Бавария" билан ўйин турибди ва биз яримфиналга чиқишни истаймиз", - дейди Рамос.
