"Real" sardori Serxio Ramos Ispaniya chempionatida "Atletiko" bilan uchrashuvdan so‘ng (1:1) intervyu berdi.

"Grizmanning transferi? Ko‘ramiz. Bunday transferlar har doim katta voqea bo‘lgan. U bir necha yildan buyon yuqori saviyada o‘ynab kelayotgan buyuk futbolchi. Bunday o‘yinchilar uchun "Real" eshigi har doim ochiq.

Men murabbiyning kelajagini muhokama qiladigan odam emasman. Mavsum natijalariga ko‘ra erishilgan sovrinlar hammasini hal qiladi.

"Barselona" bilan uchrashuv final kabi bo‘ladi, chempionatda g‘olib chiqishimiz uchun qolgan uchrashuvlarni ham xuddi shunday o‘tkazishimiz kerak. Har bir o‘yinda uch ochko olishimiz kerak.

"Atletiko"ning bugungi o‘yindagi eng yaxshi o‘yinchilari himoyachilar va darvozabon bo‘ldi. Bu ko‘p narsani anglatib turibdi.

Oldinga intilishimiz kerak, afsuslanish uchun vaqt yo‘q. Oldimizda yana bir final - "Bavariya" bilan o‘yin turibdi va biz yarimfinalga chiqishni istaymiz", - deydi Ramos.