«Бавария» бошқарув раиси Карл-Хайнц Румменигге «Реал» ҳужумчиси Криштиану Роналдунинг ўйинини таҳлил қилди.

Хусусан, у Роналдуни «Бавария»нинг собиқ ҳужумчиси, немис футболи афсонаси Герд Мюллер билан таққослади.

«Агар мавсумда жуда кўп гол уриб, тўрт марта «Олтин тўп»ни қўлга киритсанг, бу тасодиф эмас. Роналду кўплаб немисларнинг меҳрини қозонган. Биз уни ўзига хос ҳулқ-атворга эга буюк футболчи деб ҳисоблаймиз.

Герд Мюллер ҳам шундай эди. Роналду Герд Мюллерга ўхшаб, жаннат ва дўзах орасида яшамоқда. Мюллер ҳар бир ўйинда 1-3 гол урса, осмонга чиқиб кетарди. Агар гол уролмаса, худди дўзах ўтида ёнгандек бўларди. Ҳар бир ўйинда гол уришга ўрганиб қолган футболчиларнинг ҳаёти шундай» - деди Румменигге AS хабарида.