«Bavariya» boshqaruv raisi Karl-Xayns Rummenigge «Real» hujumchisi Krishtianu Ronalduning o‘yinini tahlil qildi.
Xususan, u Ronalduni «Bavariya»ning sobiq hujumchisi, nemis futboli afsonasi Gerd Myuller bilan taqqosladi.
«Agar mavsumda juda ko‘p gol urib, to‘rt marta «Oltin to‘p»ni qo‘lga kiritsang, bu tasodif emas. Ronaldu ko‘plab nemislarning mehrini qozongan. Biz uni o‘ziga xos hulq-atvorga ega buyuk futbolchi deb hisoblaymiz.
Gerd Myuller ham shunday edi. Ronaldu Gerd Myullerga o‘xshab, jannat va do‘zax orasida yashamoqda. Myuller har bir o‘yinda 1-3 gol ursa, osmonga chiqib ketardi. Agar gol urolmasa, xuddi do‘zax o‘tida yongandek bo‘lardi. Har bir o‘yinda gol urishga o‘rganib qolgan futbolchilarning hayoti shunday» - dedi Rummenigge AS xabarida.