«Боруссия» Д дарвозабони Роман Бюрки клуб автобуси олдида юз берган портлаш ҳақида гапириб берди.
«Соат 19:15да меҳмонхонадан чиқиб, автобусга миндик. Кейин йўлга чиқдик. Автобус катта кўчага бурилганида кучли портлаш юз берди. Ойналар синиб кетди. Унинг синиқлари Бартрани жароҳатлади, мен ундан сал орқароқда ўтирган эдим.
Портлашдан сўнг ҳамма пастга энгашиб олди, баъзилар имкон топиб полга ётишди. Чунки биз кейин нима бўлишини билмас эдик. Полиция тезда етиб келди ва атрофни ўраб олди.
Портлашдан ҳаммамиз лол қолдик, ўйин ҳақида умуман ўйламаяпмиз» - деди Бюрки.
