"Бавария" бош мураббийи Карло Анчелотти ЕЧЛда "Реал"га қарши учрашув олдидан ҳеч қандай шахсий ғаразга эга эмаслигини маълум қилди.
Италиялик мутахассис 2013 дан 2015 йилгача мадридликларни бошқарган ва "Реал" президенти Флорентино томонидан истеъфога чиқарилган эди. Анчелттининг истеъфоси футболчиларга ёқмаган эди.
"Реал"дан аламимини олиш ниятим йўқ. Мен шунчаки жамоамнинг ғалаба қозонишини ва бунга муносиб ўйин кўрсатишини истайман. Перес билан қуръа натижаларидан сўнг суҳбатлашганим йўқ. Ўйин куни бир-биримиз билан саломлашамиз, бу нормал ҳолат", - дейди Анчелотти.
"Бавария" - "Реал" учрашуви бугун, 12 апрель куни бўлиб ўтади, жавоб учрашуви 18 апрелга белгиланган.
