"Реал" президенти Флорентино Перес клуб ҳужумчиси Криштиану Роналдуга "100" рақами туширилган футболкани совға қилди. Шу тариқа, Перес португалиялик футболчини еврокубоклардаги 100та голи билан табриклади.
Эслатиб ўтамиз, Роналду ЕЧЛ чорак финалида "Ювентус" дарвозасига 2та гол уриб, еврокубоклар доирасидаги мусобақаларда 100та гол урган биринчи футболчига айланди.
"Чемпионлар лигасида гол уришни бошлаганимда, бундай рекордни қайд этаман деб ўйламагандим. Бу мен учун шараф. Ахир бундай натижани қайд этиш жуда қийин. Мен жуда ҳам хурсандман", - деди Роналду.
