"Манчестер Сити" бош мураббийи Хосеп Гвардиолажамоа яримҳимоячиси Давид Сильванинг ўйини савиясига юқори баҳо берди.
"Мен бахтли инсонман, чунки Хави ва Иньеста каби футболчиларга мураббийлик қилганман. Ҳозир вазия бошқача, мен Давид Сильва билан ишлаяпман. У менга ҳар бир машғулотда тассурот қолдирмоқда. Давид кўп йиллардан буён юқори савияда тўп суриб келмоқда.
У яқинда "Ман Сити"даги 300-ўйинини ўтказди. Ўйлайманки бу чегара эмас. Умид қиламанки, биз Сильвани жамоанинг энг яхши ўйинчиси бўлишга мажбур қила оламиз. Фақат унга бундан ҳам яхши ўйнай олиши мумкинлигини етказиш керак. У ҳақиқий жангчи, унда ғолиблик руҳияти бор.
"Барселона"да ишлаган вақтимда "Валенсия"нинг ўша вақтдаги устози Унаи Эмери менга шундай деган эди: "Сильва - "Барселона"га керак ўйинчи. Менга ишонинг". Йиллар ўтиб Эмерининг нақадар ҳақ эканини тушуниб турибман, чунки Сильва бошқача ўйинчи", - дейди Гвардиола.
