Мадриднинг “Реал” клуби ярим ҳимоячиси Иско “Сантьяго Бернабеу”да узоқ йиллар қолиш истаги борлигини айтиб ўтди.

“Мен аввалроқ Мадридда узоқ вақт қолишимни айтиб ўтганман. Буни яна такрорлашдан чарчамайман. 

Ҳозирда дунёнинг энг кучли клуби футболчиси ҳисобланаман ва менга ишонилган вақтда ўз ишимни бажаришни истайман.

Албатта, “Реал”нинг асосий таркиб футболчиси бўлиш вақти келади. Ўша вақт келгунга қадар кутаман”, - дейди Иско Daily Mail нашрига берган интервьюсида.

Эслатиб ўтамиз, Иско кеча “Спортинг” - “Реал” учрашувида дубль муаллифига айланиб “қироллик клуби”нинг ғалабасини таъминлаганди.