“Байер”нинг иқтидорли дарвозабони Бернд Лено “Бавария”га қарши учрашув (0:0)дан сўнг ўйин ҳақидаги фикрларини билдириб ўтди.

“Ҳакам ўйиндаги сўнгги ҳуштакни чалганидан сўнг ўзимни босимдан ҳалос этдим. Биз “Бавария” билан фақат омад туфайли дурангга эришдик.

Акс ҳолда дарвозамиздан бир нечта гол олиб чиқишга мажбур бўлардик. Майдонда тўпсиз югуриш доим қийин бўлгна. “Бавария” билан бир киши бўлиб дуранг натижага эришган жамоадошларимдан хурсандман. Улар чинакамига характер кўрсата олишди”, - дейди Лено Bild нашрига.

Эслатиб ўтамиз, “Байер” – “Бавария” учрашуви 0:0 ҳисобида якунланди. Учрашувда мезбонлар футболчиси Тина Едвай 59 дақиқада четлатилди ва “Байер” ўйин охирига қадар бир киши кам бўлиб майдонда ҳаракатланди.