Олий лигадан ўрин олган “Нефтчи” – “Бунёдкор” (1:2) учрашувидан кейинги матбуот анжуманида фарғоналиклар устози иштирок этди.

"Биринчи бўлимдаги ҳатти-ҳаракатларимизни футбол дейиш қийин. Рақиб деярли барча жабҳаларда биздан устунлик қилди. Мағлубиятнинг қандайдир аниқ сабабини изоҳлай олмайман. Негадир учрашувларга руҳан тайёрлана олмаяпмиз. Машғулотларни кузатсангиз ҳаммаси яхшидек, бироқ расмий учрашувларда йигитларни таниб бўлмаяпти. Мен ишонаманки, таркибимиздаги йигитлар бундан-да кучли ўйин кўрсатишга қодирлар ва буни албатта исботлайдилар. Ўтган йилги мавсумнинг охирги учрашувлари ва жорий чемпионат стартидаги омадсизликларни ўз бўйнимга оламан. Фарғона футболининг имкониятлари ёмон эмас. Қандайдир чоралар кўрилиши керакка ўхшайди. Учрашув якунланишига 20 дақиқача вақт қолганида ўзимга-ўзим хулоса қилдим. Агар мени кетишим жамоага ижобий натижаларни қайтарса, истеъфо беришга тайёрман" - деди Андрей Фёдоров.