"Атлетико" ҳимоячиси Диего Годин ЕЧЛ чорак финалида "Лестер"га қарши жавоб учрашуви олдидан (18 апрель) "тулкилар" ҳужумчиси Жейми Вардининг ўйинига юқори баҳо берди.
Биринчи учрашувда "матрасчилар" ўз майдонларида 1:0 ҳисобида ғалаба қозонган эдилар.
"Биз қийин учрашувни ўтказамиз, ахир "Лестер" ўз уйида ўйнайди. Рақиб бизга Мадридда зўр ўйин кўрсатди ва ҳозир ҳар икки жамоа яна шундай ўйинга тайёрланишмоқда. Ҳамма яримфиналга чиқишни хоҳлайди. Ҳаммасини майди нарсалар ҳал қилиши мумкин.
Жейми Варди ҳар бир тўп учун курашади, у жисмонан бақувват бўлиш билан бирга яхши техникага ҳам эга. Уни қўриқлаш осонмас. Унга бўш ҳудуд бермаслик керак, Мадридда бунинг уддасидан чиққан эдик", - дейди Годин.
