Италиянинг “Интер” клуби “Челси” бош мураббийи Антонио Конте ва “Атлетико” мураббийи Диего Симеонега расмий таклиф юборди. La Gazzetta dello Sport нашрининг хабарига кўра, ёзда “Интер”нинг жорий мураббийи Стефано Пиоли ўз лавозимини тарк этади.

Клуб раҳбарлари Пиоли ўрнига Симеоне ёки Контени жамоага олиб келишни режалаштиришган. Айрим манбаларда келтирилишича, катта эҳтимол билан Симеоненинг “Интер”ни бошқариши тахмин қилинмоқда.

Маълумотларга кўра, Конте ва Симеоне ҳам бирданига “Интер”дан 5 йиллик шартнома ва йилига 10-11 миллион евро атрофидаги таклифни қабул қилиб олишган. Тахминларга кўра, янги мураббий олдига “Интер”ни кейинги мавумда Европа чемпионлар лигасига олиб чиқиш вазифаси қўйилади.