Англиянинг “Манчестер Сити” клуби “Ювентус” ҳужумчиси Пауло Дибалани 2015 йилда сотиб олиши мумкин эди.
Икки йил аввал аргентиналик ҳужумчи “Палермо” таркибида фаолият олиб борарди. The Mirror нашрининг хабарига кўра, “шаҳарликлар” Дибалани бор-йўғи 40 миллион евро эвазига харид қилиш имкониянитини қўлдан чиқарган.
“Манчестер Сити”нинг ўша вақтдаги бош мураббийи Мануэль Пеллегрини Дибала ўрнига Вилфрид Бонини сотиб олиш таклифини маъқуллаган экан.
Маълумот учун, Пауло Дибаланинг трансфер қиймати ҳозирда 100 миллион еврога баҳоланмоқда. Шунингдек, Дибала жорий мавсум “Ювентус” таркибида 37 учрашувда майдонга тушиб, 16 та гол урган.
