“Реал” бош мураббийи Зинедин Зидан бугун “Бавария”га қарши учрашув олдидан ўйин ҳақидаги фикрларини билдириб ўтди.

“Барча бу ўйин натижаси ижобий якунланишидан умидвор. Бу ҳақда бошқа гапирмоқчи эмасман. “Бавария”га қарши учрашув илк дақиқалардан бошлаб қийин ўтиши аниқ.

Биз бугунги ўйинда юзага келган имкониятларимизни йўққа чиқариш ниятида эмасмиз. “Реал” футболчилари шунчаки ижобий натижа қайд этишни мақсад қилишган. “Реал” Мюнхенда олдинга биринчи қадамни ташлаб бўлди.

Жавоб учрашувида ҳам ўзимизни энг яхши ўйинимизни намойиш этиб, ўйинга бор кучимизни сарфлашга ҳаракат қиламиз”, - дейди Зидан

Эслатиб ўтамиз, “Реал” – “Бавария” учрашуви бугун Тошкент вақти билан 23:45 да старт олади.