Либертадорес кубогидан ўрин олган «Санта Фе» - «Сантос» ўйинининг суҳандони катта «қовун туширди».
Учрашув бошланишидан олдин, у «Сантос» клубининг собиқ ҳужумчиси Алешандре да Карвальо Канеко хотирасига бағишлаб, 1 дақиқалик сукут эълон қилиши керак эди. Бироқ у адашиб, майдонга тушган тирик футболчи Рикарду Оливейранинг номини тилга олди.
Европада «Валенсия», «Бетис» ва «Милан» клубларида ўйнаган 36 ёшли Оливейра гап нимадалигига эътибор бермади ва хотиржам тарзда мухлислар билан бирга ўз хотирасига бағишлаб сукут сақлади.
