UZREPORT TV футбол мухлисларига FUTBOL TV телеканалининг эфирга узатилиши кечиккани туфайли баёнот берди.
«Бугун FUTBOL TV телеканалини ишга тушириб, футбол мухлислари учун туҳфа сифатида "Эл Класико" баҳсини UZREPORT TV ва FUTBOL TV телеканалларида параллел равишда намойиш қилишни режалаштиргандик.
Аммо Тошкент телеминорасидаги узаткичларда рўй берган айрим техник муаммолар сабабли бу режамиз амалга ошмай қолди. Ушбу муаммолар бошқа телеканаллар, шу жумладан, UZREPORT TV телеканалининг сигналига салбий таъсир кўрсатди.
Шу сабабли "Эл Класико" баҳси якунига етгандан сўнг FUTBOL TV телеканалини техник созлаш ишлари давом эттирилади. Техник муаммолар бартараф этилгач, FUTBOL TV телеканали аввал эълон қилингандек тест режимида эфирга узатиб борилади.
Юзага келган ноқулайликлар учун узр сўраймиз! Биз билан биргаликда жаҳон ва Европанинг қизиқарли футбол учрашувларини томоша қилиб боринг!» - дейилади баёнотда.