“Бунёдкор” – “Ал-Аҳли” учрашувидан кейинги матбуот анжуманининг иккинчи қисмида “қалдирғочлар” устози қатнашди.

- Ниҳоят, ютдик! Гарчи бугун ғалаба қозонган бўлсак-да, Чемпионлар лигасининг аввалги учрашувларида бундан ҳам яхши ўйнаган ўйинларимиз бўлганди. Бугун эса гол уриш ва гол ўтказмасликни уддаладик. Шунингдек, ниҳоят Элдор Шомуродов ҳам гол урди. У марказий ҳужумчи сифатида тўп тепиб, рақибнинг икки ҳимоячисини ўзи билан овора қилиб юрди ва бошқа жамоадошларига бўз худудлар яратилишида катта ҳажмдаги ишни амалга оширди. Элдор бежизга учрашувнинг энг яхши футболчиси деб топилмади. Ҳақиқий маҳорат эга бўлиш учун таркибимиздаги ёшлар ўз устиларида янада кўпроқ ишлашлари лозим. Отабек Шукуровнинг марказий ҳимоячи сифатида ўйнаётгани бу мажбурий ҳолат. Умид қиламанки, Жавлон Мирабдуллаев аввалги спорт формасини тезроқ тиклаб олади ва яна сафга қайтади, - дейди Сергей Лушчан.