6 апрелда эълон қилинган ФИФА рейтингида ЖЧ-2018 мезбони Россия Ўзбекистон миллий терма жамоасидан кейинги 61-ўринни эгаллаб турибди бу эса Россия терма жамоасининг шахсий антирекорди ҳисобланади.
Халқаро футбол федерациялари ассоциацияси (ФИФА) рейтингини ҳисоб-китоб қилиш тизими Жаҳон чемпионатига мезбонлик қилувчи давлатларга нисбатан ўзгартирилиши мумкин. ФИФАнинг мусобақалар ўтказиш ишлари бўйича директори Колин Смит журналистларга шундай деган.
ФИФАнинг апрель рейтингида Россия 61-ўринга тушиб, ўз антирекордини такрорлаган. Россия терма жамоаси 2018 йилги Жаҳон чемпионати мезбони сифатида жаҳон биринчилигининг саралаш учрашувларидан озод қилинган. Расмий ўйинлар эса ўртоқлик учрашувларига нисбатан каттароқ коэффициент билан баҳоланади. Рейтинг тузилаётганида терма жамоаларнинг расмий ва ўртоқлик учрашувларида эришган натижалари ҳисобга олинади. 4 йил муқаддам ЖЧ-2014 мезбони — Бразилия ҳам шу важ билан ФИФА рейтингининг кучли ўнлигини тарк этган эди.
“Бу тизим 10 йилдан буён ўзгаришларсиз ишлатиб келинмоқда. Биз доимо бу масалани муҳокама қилаяпмиз ва келажакда рейтингни такомиллаштириш устида яна бош қотирамиз. Балким айнан Жаҳон чемпионати мезбони борасида бирор ўзгаришлар киритиш керакдир», — деган Смит.
ЖЧ-2018 келгуси йилнинг 14 июнидан 15 июлига қадар Россиянинг 11 шаҳрида жойлашган 12 та стадионда ташкиллаштирилади.
