Осиё чемпионлар лигасининг 5-тури доирасида "А" гуруҳидаги яна бир ўйин якунига етди. Эроннинг "Истиқлол" клуби ўз майдонида БААнинг "Ал-Аҳли" жамоаси билан дуранг ўйнади — 1:1.
Натижада ҳар иккала жамоа ҳисобидаги очколар сони 8тага етди. "Ат-Таъвун" ва "Локомотив" эса 5 очкога эга.
Сўнгги турда темирйўлчилар "Ал-Аҳли" меҳмони бўлади. Ушбу ўйиндаги ғалабагина тошкентликларни плей-оффга олиб чиқади. Жамоамизга ҳар қандай ҳисобдаги ғалаба кифоя қилади.
"Ат-Таъвун" 6-турда ўз уйида "Истиқлол"ни қабул қилади. Саудияликларни бу баҳсда фақат ғалаба қаноатлантиради. Акс ҳолда "Таъвун" кейинги босқичга чиқа олмайди. Жамоа "Истиқлол"ни мағлуб этса, "Локомотив" ҳам ғалаба қозонса, у ҳолда барча жамоаларда бир хил 8тадан очко тўпланади. Бундай ҳолатда гуруҳ босқичидаги тўплар нисбатига қаралади.
Бундай вазиятда сўнгги турда қўлга киритиладиган кичик ҳисобдаги ғалаба ҳам "Локо"ни нимчорак финалга олиб чиқади.
| № | Жамоа | Ўйин | Ғалаба | Дуранг | Мағлубият | Т-Н | Очко |
|---|---|---|---|---|---|---|---|
| 1 | Истиқлол | 5 | 2 | 2 | 1 | 8-4 | 8 |
| 2 | Ал-Аҳли (БАА) | 5 | 2 | 2 | 1 | 6-5 | 8 |
| 3 | Локомотив | 5 | 1 | 2 | 2 | 7-8 | 5 |
| 4 | Ат-Таъвун | 5 | 1 | 2 | 2 | 6-10 | 5 |
