Голландия пойтахтида жойлашган «Амстердам Арена» стадиони номи ўзгартирилади.
Стадион ва «Аякс» клуби раҳбарияти, шунингдек шаҳар маъмурияти иншоотга машҳур футболчи ва мураббий Йоҳан Кройфф номини бериш ҳақида келишувга эришди.
«Аякс» клубининг футболчиси ва мураббийи Йоҳан Кройфф ўтган йили март ойида 69 ёшида вафот этган эди. Унинг номи Амстердамдаги кўчалар, майдонлар ва кўприкларга берилиши ҳам кутилмоқда.
Маълумот ўрнида, Кройфф 1964 – 1973 йилларда «Аякс» таркибида ўйнаган. Кейинчалик «Барселона»да тўп сурган ва мураббий бўлиб ишлаган. У «Олтин тўп»нинг уч карра соҳиби ва 20 асрнинг энг зўр футболчиларидан биридир.
