“Манчестер Юнайтед” бош мураббийи Жозе Моуриньо ўз шогирдларини нега танқид қилиши ҳақида ойдинлик киритди.

“Танқид - футболчиларонгига руҳий таъсир ўтказишини яхши биламан. Аммо танқиддан сўнг уларнинг ҳаёлида ғалаба бўлган иштиёқ кучаяди. Агар футболчи ўз жамоасига ёрдам бергиси келса, унда бор кучини майдонда кўрсатиши керак. ОАВга интервью бериб кучни намоён этиш бу – аҳмоқликнинг бир тури холос. Маркус Рэшфорд ёш бўлишига қарамай, майдонда ҳатто сўнгги кучини ҳам сарф этмоқда.

Мен бизнинг омадли кунларимиз яқинлашаётганини сезяпман ва футболчилардан ҳам ўзларига бўлган ишончни орттиришни сўрайман. Бироқ баъзи бир футболчилар ишончни оқлай олишмаяпти. Футболчи “МЮ” либосини кийганидан сўнг майдонга фақат ғалаба қозониш учун тушиши шарт”, - дейди Моуриньо.

Эслатиб ўтамиз, Моуриньо мавсум даваомида Люк Шоу, Мхитарян, Смоллинг, Руни, Лингард, Марсьял, Рэшфорд ва Ибрагимовичларни танқид остига олганди.