«Манчестер Сити» бош мураббийи Хосеп Гвардиола «Хави - Почеттино можароси»га изоҳ берди.
Эслатиб ўтамиз, дастлаб «Барселона» клубининг собиқ яримҳимоячиси Хави «Тоттенҳэм»нинг ёш иқтидори Деле Алли «Ман Сити»га ўтади деб айтган эди. Бундан лондонликларнинг устози Маурисио Почеттино дарғазаб бўлиб, Хавини ўзига душман деб эълон қилганди. Шундан сўнг Хави бу гапларни айтмаганини маълум қилди. Энди эса бу можарога Гвардиола ҳам изоҳ берди.
«Почеттино хавотир олмасин. Деле Алли келаси мавсумда ҳам уларнинг сафида ўйнайди, бунга ишончим комил.
Деле Алли бизга керак эмас, уни харид қилмоқчимасмиз. Албатта у зўр ўйинчи, дунё футболида мен кўрган футболчиларнинг энг яхшиларидан бири. Аммо у «Манчестер Сити» режаларига кирмаган» - деди Гвардиола.
