«Барселона» клуби «Малага» президенти Абдулла Ас-Сонийнинг гаплари юзасидан баёнот берди.
«Барселона» клуби «Малага» президенти Абдулла Ас-Сонийнинг твиттерда ёзган гапларидан норози эканини маълум қилади. У ҳалол ўйин, аҳлоқ ва қонунга ҳурмат тамойилларини бузмоқда.
Биз бу борада Спорт олий кенгашининг интизом қўмитаси, Испания қироллиги футбол федерацияси ва Ла Лиганинг ҳуқуқий департаментига шикоят қиламиз» - дейилади баёнотда.
Гап шундаки, айни пайтда «Малага» клубини бошқараётган Мигел Мичел «Реал»нинг собиқ футболчиси ҳисобланади. Яқинда у «Реал»га чемпионлик тилашини, аммо унга қарши ўйинда ғалаба учун майдонга тушишини айтганди. Каталонияликлар эса «Малага» «Реал»га қаршилик кўрсатмайди деган гап-сўзларни тарқатишганди. Хусусан, бош мураббий Луис Энрике киноя билан: «Малага»нинг ғалабасига умид қилишимиз мумкинми? Агар бувимнинг ғилдираклари бўлганида, у велосипедга айланиб қоларди» - деганди.
Ас-Соний эса твиттерда: «Оллоҳнинг мадади билан «Реал»ни тошбўрон қиламиз. Бироқ, Мичел ҳақидаги ёлғон гапларидан сўнг, Каталония ташландиқлари чемпионлик таъмини тотмагай» - деб ёзган эди.
